උපත් පාලන ක්රම යනු මොනවාද? ඒවායින් සිදුවන්නේ කුමක්ද?
ලිංගිකව හැසිරෙන මුත් ගැබ්ගැනීමක් සිදුවීමෙන් වැළකී සිටීමට අවශ්ය අය, උපත් පාලන ක්රමයක් භාවිතා කළ යුතුයි. ඒවා උපත් පාලන ක්රම මෙන්ම පවුල් සැලසුම් ක්රම ලෙසද හැඳින්වේ. (උපත් පාලන ක්රම භාවිතයෙන් තමන් දරුවකු පිළිසිඳ ගන්නේ කුමන අවස්ථාවකදීද යන්න පාලනය කිරීමට යුවලකට හැකියාව තිබේ.) වැඩිවියට පත්වූ තරුණ කාන්තාවන් ලිංගිකව හැසිරුණහොත් ගර්භණීභාවයට පත්විය හැකිය. ආර්තවාභාවයට ළඟාවී ඇති කාන්තාවන් (තවදුරටත් ඔසප්වීම් ඇති නොවන) ගර්භණීභාවයට පත්වීමේ ඉඩකඩ අඩුය. උපත් පාලන ක්රම භාවිත කළ යුතු කාන්තාවන්ගේ සාමාන්ය වයස් පරාසය වන්නේ අවුරුදු 15ත් 49ත් අතර කාලයයි. උපත් පාලන ක්රම පුරුෂයින්ට සහ කාන්තාවන් යන දෙපාර්ශවය සඳහාම පවතී.
